Monday, October 16, 2006

 

Wo-hoh! Buhayin!

Nu’ng third year high school ako, environmental ang theme ng Science Week. May jingle-making contest among the homerooms at dapat bongga ang presentation complete with mascot ng assigned endangered species sa class. St. Luke kami at as always ako ang punong-abala sa pagko-choreograph ng mga ganyan. This was 1994. Shet! Twelve years ago na pero this remains one of my fondest memories of Marist School na ang tagline, biro nga ni Vichael (na brand manager na ngayon ng Bench Fix), “where we make your sons daughters of Philippines 2000.” Haha! Napaka-dated, noh? Nu’ng mga panahong ‘yun kapag sinabi mong 2000 parang napaka-futuristic.

That summer nag-Miss Universe dito sa Manila kaya du’n ko kinuha ang inspiration (siyempre pa!). Na-tape ni Manuzon ang Miss Universe so ‘yun na ang music. Malabo naman ang lyrics so we just sang over it. Iniba-iba ang words para mapasok ang environmental theme at voila! Ang “Mabuhay” naging “Buhayin!”

Pero kinailangan kong ibenta talaga sa St. Luke’s ‘yung idea. Pati ‘yung mga bading ayaw gawin kasi nga masyado na raw bakla (to think ako pa’yung closeta nito, ha!). Needless to say, ayaw rin siyang gawin ng mga barako kong classmates. Anyway, basta napapayag ko rin sila.

Ang costume ng class: ang usung-usong Giordano Classics noon. Iba’t ibang kulay para maganda tignan sa stage. Si De Jesus ang magiging Philippine Eagle, an gaming mascot. Busy na’ko sa rehearsals so siya na’ng bahala sa costume niya.

Our jingle goes something like:

Ang Kalikasan ngayo’y pakinggan mo
Sila sana’y tulungan mo
Magandang bukas ay kung ninanais mo
Halika’t pakingga’ng awit ko

Wo-hoh! Buhayin! Buhayin!
Ang mga hayop ‘wag mong katayin!
Buhayin! Buhayin!

Inspired din ng Opening Number ng Miss Universe ang choreography. Tapos, as in the actual pageant, may point na magbe-break ‘yung song tapos ii-introduce ang bawat region. Sa jingle namin, ako ‘yung host na nagsasabi ng “Kilalanin natin ang mga endangered species mula sa lupa! (tapos "mula sa tubig"...tapos "mula sa hangin")”

May short bridge pa (still based on the Miss U theme) na parang:

Ang buhay sa lupa
Ating alagaan!

Then one classmate will go to the mic and mention an endangered species. Siyempre para parang Miss U, ginawa naming greeting kunwari ‘yung scientific name tapos saka sasabihin 'yung common name nu’ng species. Eh, nauna itong si Azon (short for Manuzon). Na-inspire ang bakla! Kaya nag-greet ng:

“Mabuhay! Bubalus Bubalus Mindorens! Save the tamaraw!”

Naghiyawan na ang buong stadium! At ang mga kaklase kong ayaw pa raw gawin ito aba nagpatalbugan! Sabi ni Vichael:

“Macaca Philippinensis Philippinensis! Ang pinagmulan ng tao sa teorya ng ebolusyon – TSONGGOOOOOO!!!”

At ending si De Jesus na naka-all-black na tights at may beads-beads pa sa ulo! Para siyang Las Vegas showgirl pero sabi ko nga siya'ng bahala sa costume niya!

“Pithecophaga Jefferyi! Ang Agila ng Pilipinas!” Sabay outstretch ng arms to reveal her wings! Taray! Siyempre nagpalakpakan ang mga manonood! Hindi nga lang namin sure kung na-gets nilang monkey-eating eagle siya at hindi paniki.

Nanalo kami.

Blogged with Flock


Comments:
super enjoy ako!
 
Wow, taga Marist ka din pala....para t uloy gusto ko kumanta ng "Ever for ever"! :D
 
vakla, nakakaaliw talaga ang mga sinusulat mo....may sense at hindi boringga. panahon namin hindi pa uso ang mga pageant pageantan na yan....
 
hi,i enjoy reading your entry.napa-smile ako.nagba-bloghop lang ako to search some jokes when i happen to pass by at your blog.
 
Post a Comment

<< Home

This page is powered by Blogger. Isn't yours?