I'm a Baby!

Kapag ala-una ng tanghali parang may bagong noontime show akong sinusubaybayan – ang Bulagaan. Promise! Para siyang show in itself, better than most gag shows I’ve seen. Live pa siya so you never know what’s gonna happen. Laugh trip talaga!

Nagsimula ang Bulagaan nu’ng late 80’s. Kung hindi ako nagkakamali, 1988 yata. Basehan ko sa timeframe na’to ang VO announcement nu’n na “ITO NA ANG MASAYA AT MAGULONG BULAGAAN EIGHTY-EIGHT-EIGHT-EIGHT-EIGHT…” (Echo effect kasi) Naalala ko kasi inaabangan naming mag-1990 at sasabihin na ng VO na “…BULGAAN NINETY-TITI!” But no, ginawa nilang “BULAGAANG NINETEEN-NINETY” ang script!

Ang gags nu’ng, lahat live (ngayon kasi may mga taped gags na) at interspersed sa mga gags ang dance number ng sinaunang Sexbomb. Noon pa man meron na nu’ng “Wala ka sa lolo ko…” gag na madalas nagaganap sa mock-up ng sari-sari store. Tapos meron pang isang gag bago ang favorite nating Question-and-Answer Portion sa isang classroom setting. O, and before every gag, nagda-duck walk aka Aiza Walk si Aiza Seguerra into the scene tapos sisigaw ng “Action!” complete with duck-shaped clapper.

Dumaan din sa iba’t ibang stages ang Q&A Portion. Dati si Tito Sotto ang prof at ang laging bagsak ang mga babae na sina Coney Reyes.
Teacher’s Pet kunwari sina Joey at Vic. Tapos dumating ang panahon na sina Coney naman ang laging nakakakuha ng mataas na grades tapos lagi namang kulelat sina Joey. Sa lahat ng stage na’to, prerogative talaga ng prof kung anong grade ang ibibigay. Ngayon kasi may roleta at computer screen na nagdi-determine ng grades.

Mga mid-nineties, inalis ang Bulagaan. Hindi na rin isang buong Saturday episode ang Little Miss Philippines Grand Finals. At hindi na rin little girl si Aiza Seguerra.

And then a few years back, Bulagaan came back with a vengeance! And it’s wilder than ever. Riot ang mga knock-knock jokes at minsan may baon pang jokes bago mag-knock-knock. Here are some favorite moments ng kabaliwan ng Bulagaan ngayon:

- Ini-impersonate ni Gladys Guevarra si Mahal. Grabe! Gayang-gaya niya talaga pati pagsabi ng “chori-choree.” Napanood ko rin ‘yung phase na si Annabel Rama naman ang ginagaya niya.
Prof. Joey: Annabel, kumusta naman si Richard?
Gladys as Annabel: Ayon nagte-taping. Lage na lang nagte-teping. Araw-gabi nagte-teping, ‘de na komakaen. Hanggang sa bahay nagte-teping pa ren.
Prof: Eh, si Raymond kumusta?
Annabel: Oki naman siya. Hi, Raymond.

- Riot ang tandem nina Allan K at Toni Rose. Si Allan ang unang kakanta tapos ang mga high notes eh si Toni Rose ang kakanta. Tapos anuman ang kanta, magiging dance beat. Maghuhubad si Allan K to reveal his sequined bra tapos pupunta siya sa audience para makipagkamay at magpa-picture complete kung bibigyan siya ng dolar. Meron pa nga raw time na lumabas na ng studio si Allan K, lumabas ng Broadway Centrum at sumabit pa sa jeep! Nahirapan sigurong ulitin for security and technical reasons kaya hindi na naulit ‘yon.

- Minsan pa, pag-hit ng high note ni Allan K, natanggal ang pustiso niya. Naiyak talaga ako katatawa nito kasi kamakailan pa nga nu’n ay napabalitang milyon ang ginastos ni Allan K para sa kanyang pustiso. Kinabukasan, namimigay na si Vic ng litrato ni Allan sa precise moment na natanggal ang pustiso niya!

- May napanood pa’kong cunning monkey impersonation ni Wally. As in naglalakad siyang nakasayad ng mga braso sa lupa tapos may hawak pa siyang umbrella tapos pinapatawid sa bangko. Kuhang-kuha niya ang mannerisms ng tsonggo!

- Popular din sa mga Kurimaw (ang mga lalakeng tambay sa audience ng Eat Bulaga) ang tandem nina Jose at Vic – the Bu Bros! Sing Bu and Wang Bu! Dito sobra kong naa-appreciate si Vic kasi lagi siyang game. Nu’ng episode na nag-ungguy-ungguyan si Wally, nag-acrobatics din siya para lang makakuha ng mataas ng grade. At he ended his performance by throwing pie at his face. ‘Yan ang dedikasyon sa trabahong magpasaya ng tao.

- Classic din ang panggagaya ni Jose kay Bamboo. Nagkaroon pa nga raw ng isang prod si Jose kasama ang real Bamboo at ginagaya pa rin niya ang mala-epileptic na pagkanta nito ng Alleluya!

- Natatawa rin ako sa pinapausong style ng jokes ni Michael V. ‘Yung bang hindi joke pero nagiging nakakatawa:
KA-PARTNER NI MICHAEL V: Manong, du’n po ba ang papuntang Makati?
MICHAEL V: Hindi, doon. (points to the opposite direction)
Tapos mag-a-alog-bilog na sila to indicate na ‘yun na ang punchline. Meron pang isa:
KA-PARTNER NI MICHAEL V AS NANAY: Ikaw bata ka! Sa’n ka galing?
MICHAEL V AS ANAK: Sa bahay po ng kaklase ko.
NANAY: At ano’ng ginawa mo ru’n?
ANAK: Ano pa? Eh, ‘di nag-aral!
(ALOG-BILOG). O, ang “alog-bilog” pala ang tawag nila sa pages-shake ng kanilang legs after every punchline (much like a modern-day achepache!)

Maraming nasa office kapag Bulagaan kaya sorry na lang kayo.