I'm a Baby!

Apparently not very much. Dinibunk sa latest issue ng Reader’s Digest Asia ang notion nating hospitable at warm people tayo. In an informal experiment isa ang Manila sa Least Courteous Cities sa buong mundo. Tatlong tests ang dinivise nila: sa isang kalsada ay merong nagkunwaring nalalaglag ang mga dala-dala niyang papel, bibilangin nila kung ilan ang tutulong; tapos ay nauna bumuntot sila sa mga taong lalabas sa pinto at binilang nila kung ilan sa mga sinundan nila ang hinold open ang door; they also made small purchases in shops to see how many times shop assistants will thank them.

Basahin n’yo na lang ‘yung buong article for the details. Basta, pati Reader’s Digest nagulat na New York City ang nag-top sa kanilang survey kasi nga sa reputasyon ng mga tao ru’n. Pinakita nito na minsan reputation can be so far from actual character.

Iniisip ko kung ano kaya’ng dahilan ng ating poor performance sa experiment na’to. Trinay kong i-justify ‘to by thinking na masyadong Western standards of politeness ang ginamit nila pero hindi rin, eh. The experiment was done in Manila, arguably the country’s most cosmopolitan city. Surely a thank you can be expected from shop assistants, especially if you’ve just made a purchase. Saka parang natural lang naman na meron at merong tutulong sa’yo kapag nalaglag ‘yung mga dala-dala mong papers. ‘Yung pinto siguro medyo understandable pero hindi rin, eh, kasi ako lang I make it a point to hold the door kapag meron nakasunod sa’kin – babae man o lalake.

So bakit nga? Una, siguro mahiyain lang talaga tayo around strangers. This is probably a trait we share with out neighbors since Asia performed the poorest in the politeness survey. Ang mga Western kasi kapag nasasalubong mo ready with a smile, tayo hindi na halos suplado pa ang dating. To our family, friends, friends of friends, neighbors of classmates of a second-degree cousin we are more than willing to go out of our way to perform greats acts of kindness. Pero kung stranger, ibang usapan na’yan. Connected ‘yan sa second reason kung bakit sa tingin ko “least courteous” tayo.

Crime has made us cynical. Wary na tayo, as attested by one Filipina interviewed for the article, na baka modus operandi ng mandurukot or something ‘yung mga naglalaglag ng papel d’yan o sinumang seemingly in trouble. Tuloy, nafo-force na tayong maging deadma sa mga hindi na kilala na nasiraan, nawawala, nagtatanong, maysakit, umiiyak, o namatayan sa takot na baka tayo mabiktima. Ika nga, mahirap na magtiwala. Hay!