I'm a Baby!

My First National Age-group Triathlon
UPLB Trantados/SPEEDO NAGT
Sprint: 800m/26K/6K
08 July 2006/Baker Hall, UP Los Baños


Habang ang sangkamaynilaan ay nage-Enduro, mag-isa akong lumarga papuntang UPLB. About a year ago, dito nagsimula ang aking so-called triathlon career… Homecoming ito.

Halong thrill at kaba ang naramdaman ko pagparada namin sa labas ng pool. Kinikilig ako seeing the members of the national team and other top age-groupers preparing their equipment. Para akong movie extra who got invited to the Oscars, o kaya lone Mongolian delegate to the Olympics – nakakamangha talaga just being there, to have the honor of racing alongside your idols…Pero, sige na nga, kinikilig din ako dahil ang ku-cute ng mga Trantados with their new red-and-black Speedo tri suits!

Nag-umpisa muna sa Kids’ Aquathlon. Ang gagaling ng mga kids – ang lalaki ng muscles, tanned na tanned! Nakakabilib talaga considering when I was their age ang sport ko ay patintero at agawan-base with the occasional patagong cross-training with my sister’s Barbie Dolls.

Magsisimula na lang ang race nang biglang humupa ang malakas na bagyo – as in! So what are triathletes to do but dive in the pool dahil maligamgam ang tubig doon. Buti na lang tumila rin kaya TULOY ANG KARERA! First-wave: all males except 30-35! Dizizeet! May first national age-group triathlon! DIVE!!!

Pero hindi ako marunong mag-dive so plakda ako. As usual, olats na naman ako sa langoy pero nakakasabay pa naman ako (dahil sadyang masikip ang languyan sa 4-lane, 25-meter pool). After all: “It’s not about getting out of the water the fastest, but the freshest.” But no, about to finish my 5th loop (500 meters) against the flow ang langoy ko! Mali ang nilalanguyan kong lane! Hindi pa’ko tumigil to assess my situation. Nagmarunong ako at nagpalipat-lipat pa’ko ng lane. Saka ’ko tumigil only to realize only na I’m back to square one – literally – dahil nasa first lane na ulit ako! Kung puwede lang sumigaw ng “Taympers! Bumalik ako! Bumalik ako! Ulitan!” Siyempre, hindi.

At nang lumaon kumonti na nang kumonti ang mga kasama ko sa pool dahil lumuwag na ang tubig. Happy na’ko na may kasabay naman akong Trantados, feeling ko nakiki-level pa’ko! By my last loop pinatalon na ang second wave – ang females. Come to think of it, dahil nangyari ‘yon, puwede kong sabihing nauna ako ng fifty meters sa swim si Ani de Leon!

And I may not have emerged the fastest from the swim pero feeling ko fresh na fresh naman ako after nu’n! And then we go to the bike…

In a post-race conversation sa RudyGirl, Risso Tangan said: “I have a mountain bike and a road bike. They are two completely different passions.” Well, I have a mountain bike and I borrowed Monica Torres’ road bike – pink and purple pa! Uneventful naman ang bike ko. Steady lang (though puna sa’kin masyado palang light ang gear ko kaya ambilis ng cadence ko). Oh, du’n pala sa rotonda sa may building na korteng Camp Big Falcon nahirapan akong kumuha ng ice tubig na inaabot. Tinitilian ko na lang ‘yung kawawang marshal. Buti na lang may baon akong Gatorade, du’n ko talaga naramdamang nakakatulong pala ‘yun!

So halfway through the race, marami na’kong nadadagdag sa checklist ng mga things I should learn:
1. Mag-dive sa pool. (Nu’ng third attempt ko kasi to “dive” plumakda ako sa bayag ko. Nanghina ako. At least kung nabayagan ka sa lupa puwede kang tumalun-talon. Eh, kung lumalangoy ka? Wala na!)

2. Lumangoy nang mabilis. (Seryoso ako: KELANGAN KO NG COACH! SINO MAGVO-VOLUNTEER? PLEASE, MASAYA AKONG ESTUDYANTE PROMISE!)

3. Gumamit ng cleats. (Naka-running shoes ako kaya may mga time na bumibitaw ang mga paa ko at nagfe-flail around)

4. Kumuha ng inaabot na ice tubig habang nagba-bike.

Into the third and last bike loop, nakakasalubong ko ‘yung mga idol ko. Nalito tuloy ako kung ilang loop ba talaga. Siyempre hindi ko naisip na by wave nga pala kami. Shet! Bobo!

Ang sarap talaga mag-road bike. Sana nga lang hiniram ko ‘yung bike earlier than the day before the race…

Paglabas ko ng Transition sumakit na nang todo ang core muscles ko! Baket!? Eh, wala naman akong core muscles, ha!? Kumikirot din pala ang taba! Into the first K, I had to walk the pain off (ito ang mas masakit: masakit kasi sa pride ang mapalakad ka). I had to walk again some 200 meters before the finish line.

I came after a cutie Trantado so happy na rin hehehe…

***

Maraming salamat kay Goons at Haydee na sinamahan ako instead of our other friends na nag-Enduro, at siyempre kina Sir Ian Castilla, Ige, Eldani at sa buong UPLB Trantados for the great post-race party! Sayang nga lang had to leave early kasi may work ako pag Sunday. Sa uulitin!